Leiðbeinandi

Leikskólinn Kirkjuból óskar eftir leiðbeinanda í 100% stöðu á deild. Starfið er laust frá 1. október 2026 eða eftir nánara samkomulagi.

Leikskólinn Kirkjuból er þriggja deilda leikskóli, staðsettur nálægt miðbæ Garðabæjar í fallegu og fjölbreyttu umhverfi. Í leikskólanum dvelja allt að 61 barn á aldrinum 1 árs til 5 ára. Okkur er annt um rödd barnanna og vinnum markvisst með eftirfarandi þætti í daglegu starfi.

• John Dewey
• Barnasáttmála sameinuðu þjóðanna
• Lýðræðislegt leikskólastarf
• Sjálfstæði og valdefling
• Vellíðan og gleði

Einkunnarorð leikskólans eru: Virðing - Væntumþykja - Vinátta.

Í leikskólum Garðabæjar er möguleiki á að sækja um styrki í Þróunarsjóð leikskóla til að styðja við nýbreytni og framþróun í starfi. Einnig er til staðar sérverkefnasjóður sem hver og einn leikskóli hefur til umráða til að styðja enn frekar við leikskólastarfið.

Við tökum vel á móti nýju starfsfólki og leggjum áherslu á jákvætt og uppbyggilegt starfsumhverfi sem er í stöðugri mótun.

Við leitum að jákvæðum, stundvísum, ábyrgum og heiðarlegum starfsmanni til að bætast við metnaðarfullan starfsmannahóp leikskólans.

Helstu verkefni og ábyrgð:

• Vinna með og undir stjórn deildarstjóra
• Vinna að uppeldi og menntun leikskólabarna.
• Taka þátt í uppeldis- og menntunarstarfinu sem fram fer á deildinni

Menntunar- og hæfniskröfur:

• Reynsla af starfi á leikskólastigi eða starfi með börnum er nauðsynleg
• Reynsla að vinna með börnum sem þurfa stuðning í hóp
• Góð samskiptahæfni
• Frumkvæði og sjálfstæði í vinnubrögðum
• Íslenskukunnátta á stigi C1 samkvæmt evrópska tungumálarammanum
• Hreint sakavottorð

Hlunnindi fyrir starfsmenn leikskóla:

• Vinnuskylda í fullu starfi er 36 stundir. Vikulegur vinnutími er 38 stundir og tveimur klukkustundum safnað upp í frítöku vegna vetrar-, páska- og jólafrís
• Leikskólinn er lokaður í dymbilviku og 2. janúar vegna dreifingar vinnutíma starfsfólks
• Opnunartími leikskólans er 7:30 - 16:30 mánudag til fimmtudag og 7:30- 16:00 á föstudögum
• Fimm skipulagsdagar á ári sem eru samræmdir í leik- og grunnskólum Garðabæjar
• Forgangur á leikskóla fyrir börn starfsmanna með lögheimili í Garðabæ og í 75% starfshlutfalli eða meira
• 40% afsláttur á leikskólagjöldum fyrir starfsmenn með lögheimili í Garðabæ
• 25% stöðugildi vegna snemmtækrar íhlutunar inn á hverri deild
• 50% stöðugildi inn á yngstu deildir leikskóla ef fjöldi barna á aldrinum 1-2 ára eru fleiri en tíu á deild
• Hægt er að sækja um námstengda styrki til að efla faglegt leikskólastarf

Hlunnindi fyrir starfsmenn sem ráðnir eru í starfshlutfall:

• Heilsuræktarstyrkur að upphæð 20.000 kr. eftir 6 mánuði í starfi
• Bókasafnskort eftir 3 mánuði í starfi
• Menningarkort eftir 3 mánuði í starfi
• Sundlaugarkort eftir 3 mánuði í starfi
• Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi.

Umsóknarfrestur er til og með 10. september 2026.

Nánari upplýsingar um starfið veita Berglind Ósk Þráinsdóttir starfandi leikskólastjóri og Hildur Rut Stefánsdóttir starfandi aðstoðarleikskólastjóri/sérkennslustjóri í síma 591 9360.

Einnig hægt að senda tölvupóst á netföngin: berglindthr@kirkjubolid.is eða kirkjubol@kirkjubolid.is

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Samkvæmt lögum verða umsækjendur sem eru ráðnir að skrifa undir heimild til upplýsingaöflunar úr sakaskrá.

Áhugasamir einstaklingar, án tillits til kyns, eru hvattir til að sækja um.