Specialist in HVAC and Plumbing Design

EFLA leitar að metnaðarfullum og áhugasömum starfskrafti í starf sérfræðings í lagna- og loftræsihönnun. Sem sérfræðingur í hönnun loftræsi- og lagnakerfa fengir þú tækifæri til að starfa að fjölbreyttum verkefnum í hönnun loftræsikerfa, neysluvatns-, hita- og kælilagna og hönnun á vatnsúðakerfum.

Um er að ræða starf á starfsstöð fyrirtækisins á Akureyri.

Helstu verkefni:

• Hönnun loftræsikerfa
• Hönnun neysluvatns-, kæli- og hitakerfa
• Hönnun á vatnsúðakerfi
• Gerð útboðsgagna
• Gerð orkuútreikninga
• Gerð kostnaðaráætlana

Hæfniviðmið:

• Háskólamenntun í vél- og orkutæknifræði, vélaverkfræði, orkuverkfræði eða sambærileg menntun
• Reynsla af loftræsi- og lagnahönnun er kostur
• Reynsla í notkun AutoCad og Revit er kostur
• Framúrskarandi hæfni í samskiptum og samvinnu
• Metnaður til starfsþróunar
• Frumkvæði og sjálfstæð vinnubrögð
• Góð færni í íslensku og ensku í ræðu og riti
• Kunnátta í Norðurlandamáli er kostur

Nánari upplýsingar veita sérfræðingar í mannauðsteymi EFLU

Umsóknarfrestur er til og með 6.september.

Vinnustaðurinn EFLA

EFLA er þekkingarfyrirtæki sem starfar á sviði verkfræði og tækni.

EFLA leggur mikla áherslu á að bjóða upp á nærþjónustu um allt land og starfrækir öflugar starfsstöðvar á landsbyggðinni. Við bjóðum störf óháð staðsetningu svo starfsfólk geti búið í sinni heimabyggð hvar sem er á landinu, unnið í spennandi verkefnum og tilheyrt öflugum teymum. Um fjórðungur starfsfólks EFLU starfar á landsbyggðinni.

Við bjóðum upp á afbragðs starfsumhverfi, sveigjanlegan vinnutíma og góðan starfsanda.

Öll starfsemi EFLU byggir á teymishugsun þar sem samvinna, þátttaka og samábyrgð í sterkri liðsheild eru grundvallaratriði. Gildi EFLU eru hugrekki, samvinna og traust og leggjum við mikið upp úr því að fá til liðs við okkur kraftmikið, jákvætt og metnaðarfullt starfsfólk sem skarar fram úr á sínu sviði.

EFLA er jafnlaunavottað fyrirtæki og hefur unnið frumkvöðlastarf í sjálfbærum rekstri.

Nánari upplýsingar um vinnustaðinn

Nánari upplýsingar um stefnur EFLU og persónuverndaryfirlýsing til umsækjenda

Nánari upplýsingar um starfsemina má finna á efla.is