Meiraprófsbílstjóri á Patreksfirði

Eimskip innanlands leitar að ábyrgum og þjónustulunduðum meiraprófsbílstjóra til starfa í áætlunarakstri á milli Reykjavíkur og Patreksfjarðar. Um er að ræða fjölbreytt starf í fallegu umhverfi þar sem lögð er áhersla á öryggi, stundvísi og góða þjónustu.

Starfið felur í sér akstur flutningabíla, lestun og losun, sem og samskipti við viðskiptavini og samstarfsfólk. Viðkomandi þarf að vera stundvís, skipulagður í vinnubrögðum og búa yfir framúrskarandi þjónustulund. Við bjóðum upp á fjölbreytt og krefjandi verkefni í fyrsta flokks vinnuaðstöðu þar sem fagmennska og öryggi eru í forgrunni.

Starfið tilheyrir Innanlandssviði Eimskips, en á sviðinu starfa um 400 starfsmenn í fjölbreyttum störfum á 18 starfsstöðvum víðs vegar um landið.

Helstu verkefni og ábyrgð:

• Akstur flutningabíla
• Lestun og losun
• Samskipti við viðskiptavini og samstarfsfólk
• Önnur tilfallandi verkefni

Menntunar- og hæfniskröfur:

• Meirapróf CE er skilyrði
• Lyftararéttindi eru kostur
• ADR réttindi eru kostur
• Góð íslensku og/eða ensku kunnátta
• Geta til að vinna undir álagi
• Framúrskarandi þjónustulund og jákvætt viðmót
• Hæfni í mannlegum samskiptum og sjálfstæð vinnubrögð

Við bjóðum:

• Aðgang að öflugu starfsmannafélagi sem m.a. rekur frábær orlofshús um allt land
• Heilsu- og hamingjupakka sem inniheldur samgöngustyrk og styrki fyrir líkamsrækt, sálfræðiþjónustu og fleira
• Fjölbreytt verkefni og góðan starfsanda í litlu og samheldnu teymi.
• Nýjan og vel útbúin flutningabíl

Í anda jafnréttisstefnu Eimskips eru öll kyn hvött til að sækja um.

Nánari upplýsingar um starfið veitir Hilmar Blöndal Sigurðsson, afgreiðslustjóri, hrbn@eimskip.com.

Umsóknarfrestur er til og með 15.september 2026.

Hreint sakavottorð og 18 ára aldur er skilyrði fyrir ráðningu hjá Eimskip.