Skólaritari

Í Breiðagerðisskóla eru um 350 nemendur í 1. til 7. bekk. Starfsmenn skólans eru um það bil 64 og eru þeir samhentur hópur sem hefur á undanförnum árum þróað skólann til þeirra starfshátta sem einkenna hann í dag. Grunnstefið í stefnu skólans er að lykillinn að góðri menntun og vellíðan barnanna sem við skólann nema leynist í samvinnu og samábyrgð starfsmanna skólans og annarra þeirra sem að starfsemi hans koma.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

• Umsjón með símsvörun og upplýsingagjöf.
• Skráning og utanumhald í upplýsingakerfum skólans.
• Almenn skrifstofustörf, bréfaskriftir og skjalavistun.
• Aðstoð við innkaup, afgreiðslu varnings og samskipti við birgja.
• Önnur tilfallandi verkefni í samstarfi við stjórnendur skólans.

Hæfniskröfur

• Stúdentspróf eða önnur menntun sem nýtist í starfi.
• Hæfni í mannlegum samskiptum og rík þjónustulund.
• Góð tölvukunnátta og hæfni til að tileinka sér ný hugbúnaðarkerfi fljótt.
• Mjög gott vald á íslensku, bæði í ræðu og riti.
• Sjálfstæði í vinnubrögðum, skipulagshæfni og stundvísi.
• Hreint sakavottorð í samræmi við lög um grunnskóla.
• Reynsla af skrifstofustörfum æskileg.

Frekari upplýsingar um starfið

Launakjör eru samkvæmt kjarasamningi Reykjavíkur og Sameykis.